Aprendemos no Vilaverde

En Ciencias Sociais estamos traballando os meses do ano e por outra banda, temos aberto un proxecto no que coñeceremos Galicia en profundidade cos seus costumes, tradicións, festas… Entón dixemos nós… Por que non investigamos as cousas importantes que pasan en Galicia durante os 12 meses que ten o ano? Así o fixemos, repartímonos o traballo e cada un buscou na casa información sobre un mes concreto. Como nos apareceu moita información interesante, decidimos ampliar territorio e engadir tamén cousas que pasan en España. Aquí vos deixamos o produto da nosa investigación convertido en libro con ilustracións. LIBRO DOS MESES DO ANO 1ºA https://abalarbox.edu.xunta.gal/index.php/s/3En85YECAQcJABR LIBRO DOS MESES DO ANO 1ºB https://abalarbox.edu.xunta.gal/index.php/s/wGSapJffjNyKjzS

Fai uns días que os nosos mestres entraron pola porta cunhas cousas moi raras. Uns dicíamos que eran bloques de construción, outros que eran pinturas, incluso había quen aseguraba que eran plastilinas pequenas de cores.  Sen embargo, despois de intentar averiguar un bo anaco de que se trataba, os mestres dixéronnos que eran números.  Pero… como vai ser iso un número?  Ao principio non o podíamos crer, pero ao final non nos custou case nada identificar cada regleta de cada cor co seu número.