Aprendemos no Vilaverde

 Continuamos co noso estudo sobre Galicia, e logo de coñecer a nosa cidade, tamén tócanos valorar a cantidade de sitios fermosos e dignos de visita que hai en toda Galicia. Fixemos así unha selección de lugares por provincias, que xa aprendemos que estas son A Coruña, Lugo, Ourense e Pontevedra. Fixemos uns carteis para que os nosos compañeiros do colexio tamén os podan coñecer. Os lugares que eliximos son: - A Coruña:               Cabo Fisterra, Cabo Vilán, Cabo Ortegal, Carnota, As Fragas do Eume, Ézaro, a Catedral de Santiago, a Torre de Hércules e o Castro de Baroña. - Lugo:               Praia das Catedrais, Mondoñedo, Piornedo, a Muralla de Lugo, Monforte de Lemos e o Castelo de Pambre. - Ourense:               as Termas de Ourense, Ribadavia, Allariz, Celanova, as Pozas de Melón, Castro Caldelas, Cabeza de Manzaneda e a Ribeira Sacra. - Pontevedra:  ...

No noso proxecto para coñecer Galicia chegounos o momento de coñecer a nosa cidade, Pontevedra. Para iso, fixemos un libro cos lugares máis emblemáticos e interesantes da Boa Vila. Ademais, este libro vai visitando a todas as familias por quendas, para que podan coñecer as curiosidades sobre a nosa cidade que incluimos no libro.

 Como xa sabedes, en Proxecto Competencial estamos coñecendo Galicia en profundidade, e ao falar sobre a música e o baile miramos os vestidos tradicionais que se utilizan en Baile Galego. Así foi que unha compañeira contounos que ela tiña un, e que podía traelo e ensinárnolo, e hoxe foi o día.  Amosounos o seu traxe completo (aínda que non o puxo, xa que leva moito tempo), traendo na parte superior o Mantón, o Dengue e a camisa, e na parte inferior a saia, o mandil e os pololos.  Isto foi moi útil, xa que nunca é o mesmo mirar as cousas nunha pantalla que poder velas en persoa. Grazas, compi!