Aprendemos no Vilaverde

 

 

 Esta semana en plástica tivemos que facer un debuxo a partir da forma dunha folla.  Aquí vos deixamos algúns dos nosos fantásticos traballos:

 Co gallo do Día Mundial da Diabetes (14 de novembro) traballamos este trastorno metabólico cos nosos nenos e nenas, tendo ademais en conta a presenza dun compañeiro diabético no curso. Así pois, vimos diferentes vídeos sobre o tema, coma por exemplo o caso de Nacho, ex xogador do Real Madrid e da Selección Española; limos o conto sobre a diabetes dos Bolechas, así como fixemos tamén o caderno de actividades que teñen; e o noso compañeiro contou aos demais a súa experiencia. Grazas a todo isto comprendimos, coñecimos e visibilizamos unha afección que presentan máis de 4 millóns de persoas no planeta, e que, se ben incomoda a vida dos que a padecen, permite levar unha vida normal e plena.

 

 

Na xornada de hoxe estivemos aprendendo moito sobre uns membros do reino dos fungos na compañía de Lorena e Alba.  Gracias a Alex e Chloe que recolectaron os cogomelos, puidemos pasar unha entretida sesión observando un montón deles que podemos atopar no campo.  Ei! Tende coidadiño porque nos deixaron ben claro que non todos os cogomelos serven para comer xa que uns son tremendamente tóxicos.

 

 

O outro día, chegamos ao cole e atopámonos con centos de ourizos ciscados por todas partes. Resulta que Antío foi de paseo polo monte en busca de castañas pero como picaba os pés ao abrilas, deixou os ourizos no noso corredor e nas nosas aulas para que lle axudásemos a abrilos.  Coas castañas que xuntamos entre todos, fixemos un tremendo magosto no que o pasamos xenial!