Aprendemos no Vilaverde

Da man de ANEDIA (Asociación de Nenas, Nenos e Xente Nova con Diabetes de Galicia) puidemos desfrutar dun xenial contacontos realizado por Raquel Queizás . Coma sempre que a escoitamos, encantounos! Ademais de rir e pasar un bo rato sendo detectives, aprendemos cousiñas moi importantes sobre a diabete e o día a día con ela.  Grazas Raquel Queizás pola maneira bonita de contar historias e facer máis doado de entender o mundo da diabetes!   💙  

  O alumnado de 2º participamos no Cross escolar organizado por Xogade. Fomos á Xunqueira e corremos con outras nenas e nenos doutros colexios da contorna. Todas e todos o fixeron fenomenal! Días despois, puidemos ver a noticia na prensa. Damos as grazas a Valentina por traer os xornais!   GRACIAS mestra Paz por facer posible esta actividade!    

Este curso tivemos que despedir á que foi durante dous cursos a nosa intérprete de Lingua de Signos :  IRIA . Veu facernos unha última visita e deunos unha chea de agarimos de despedida. Tocou dar a benvida a CAROLINA , nova intérprete do colexio. Estivo unha sesión con cada clase de 2º lembrando palabras e frases sinxelas. Tamén repasamos o abecedario   dactilolóxico e cómo dicir o noso nome. Aquí vos deixamos para que practiquedes na casa: Cun libro dos Bolechas foinos contando curiosidades importantes sobre as persoas xordas e a LSE. Ao final agasallounos cunha pegatina co abecedario    dactilolóxico que pegamos nas axendas noviñas!   GRAZAS POR VIR A 2º!