DESPEDIDA DE IRIA E VISITA DA NOVA INTÉRPRETE

Este curso tivemos que despedir á que foi durante dous cursos a nosa intérprete de Lingua de Signos: IRIA. Veu facernos unha última visita e deunos unha chea de agarimos de despedida.

Tocou dar a benvida a CAROLINA, nova intérprete do colexio. Estivo unha sesión con cada clase de 2º lembrando palabras e frases sinxelas. Tamén repasamos o abecedario  dactilolóxico e cómo dicir o noso nome. Aquí vos deixamos para que practiquedes na casa:


Cun libro dos Bolechas foinos contando curiosidades importantes sobre as persoas xordas e a LSE. Ao final agasallounos cunha pegatina co abecedario  dactilolóxico que pegamos nas axendas noviñas!

 


GRAZAS POR VIR A 2º! 

Comentarios

Publicar un comentario

Publicacións populares deste blog

Refráns

Imaxe
 Nesta primeira semana de volta tralo Nadal aprendemos o que son os refráns, e coa axuda das nosas familias fixemos unha pequena escolma destes, e quixemos recoller toda esa sabedoría popular nun libro que temos na nosa clase, e ilustrar cada refrán con aquilo que nos suxería. Os refráns escollidos foron os seguintes: "Galiña vella fai bo caldo" "Polo pan, baila o can" "Outra vaca no millo!" "Se chove, que chova!" "Amiguiños si, pero a vaquiña polo que vale." "A todo porco lle chega o seu San Martiño." "Nunca choveu que non escampara." "O que busca, atopa." "O que non levan os ladróns, aparece nos rincóns." "En boca pechada non entran moscas." "Fai máis o que quere que o que pode." "Quen a boa árbore arrímase, boa sombra lle garda." "Ata o corenta de maio non quites o saio." "En abril, augas mil." "Vai o mello morrendo e vai aprendendo." ...
Ler máis

NESTE CURSO NADA É O QUE PARECE…

Imaxe
Fai uns días que os nosos mestres entraron pola porta cunhas cousas moi raras. Uns dicíamos que eran bloques de construción, outros que eran pinturas, incluso había quen aseguraba que eran plastilinas pequenas de cores.  Sen embargo, despois de intentar averiguar un bo anaco de que se trataba, os mestres dixéronnos que eran números.  Pero… como vai ser iso un número?  Ao principio non o podíamos crer, pero ao final non nos custou case nada identificar cada regleta de cada cor co seu número.                              
Ler máis

Visita ao Museo de Pontevedra

Imaxe
 O pasado 14 de marzo os nenos e nenas de primeiro fomos coñecer o Museo de Pontevedra e, en xeral, a que nos contaran que é un museo e, sobre todo, a saber que mirar e como.  O primeiro que hai que ter claro é que no museo hai que cumplir unhas normas moi claras, parecidas ás da biblioteca: non podemos correr, non podemos berrar nin falar alto e, sobre todo, non podemos tocar as obras alí expostas. Porque o que hai nos museos son obras, ás veces obras de arte e noutras ocasións restos doutras épocas que serven para coñecer a Historia e entendela. Vimos diferentes tipos de obras: retablos, que son historias contadas a través de debuxos en diferentes pisos, coma se fose un cómic; esculturas, que son como estatuas (vimos unhas de pedra chulísimas!); retratos, que son pinturas de persoas, ás veces de corpo completo e ás veces son da cara; paisaxes, nos que se pinta un lugar; e mariñas, que son paisaxes nas que se ve algo do mar. Ademais, puidemos practicar nós mesmos a facer retr...
Ler máis