PREPARAMOS O NADAL EN 2º!

E por fin o Nadal que é o mes final
esta panxoliña o ano acabar
na fin de decembro volve comezar!

Este é o retrouso da panxoliña que estivemos ensaiando estas semanas as clases de 2º. Hoxe fomos cantarlla a 1º, eles e elas tamén nos cantaron a súa!

Coa panxoliña elaboramos de forma conxunta, as dúas clases de A e B, esta nota musical na que aparece: o título, o retrouso, o nome do grupo musical e uns debuxiños que engadimos. Ao rematala fomos colocala no recuncho do galego. Ademais, cada nena e neno creou a súa nota musical propia! Mirade algunhas fotiños:





Aproveitamos estes días de decembro para ler e escribir un pouquiño sobre a maxia do Nadal. Limos sobre os trubincos, uns elfos moi trastes da cultura galega. Nos cadernos describimos un e logo fixémolos en papel, mirade:


Escribimos sobre un AGASALLO FANTÁSTICO, inventando cal podería ser un bo agasallo, saíron ideas moi divertidas!



Tamén rematamos as portadas do trimestre con aves de inverno, decoramos os corredores e as portas de Nadal:








Agora só queda desfrutar da visita do apalpador e do combo musical, papar moita rosca e chocolate quentiño! 🎄🎁☕

BO NADAL, NENAS E NENOS DE 2º!!


adorno-para-el-arbol-de-navidad-imagen-animada-0060

Comentarios

Publicar un comentario

Publicacións populares deste blog

Visita ao Museo de Pontevedra

Imaxe
 O pasado 14 de marzo os nenos e nenas de primeiro fomos coñecer o Museo de Pontevedra e, en xeral, a que nos contaran que é un museo e, sobre todo, a saber que mirar e como.  O primeiro que hai que ter claro é que no museo hai que cumplir unhas normas moi claras, parecidas ás da biblioteca: non podemos correr, non podemos berrar nin falar alto e, sobre todo, non podemos tocar as obras alí expostas. Porque o que hai nos museos son obras, ás veces obras de arte e noutras ocasións restos doutras épocas que serven para coñecer a Historia e entendela. Vimos diferentes tipos de obras: retablos, que son historias contadas a través de debuxos en diferentes pisos, coma se fose un cómic; esculturas, que son como estatuas (vimos unhas de pedra chulísimas!); retratos, que son pinturas de persoas, ás veces de corpo completo e ás veces son da cara; paisaxes, nos que se pinta un lugar; e mariñas, que son paisaxes nas que se ve algo do mar. Ademais, puidemos practicar nós mesmos a facer retr...
Ler máis

Excursión de Fin de Curso - Visita a Paisaxe II

Imaxe
 Isto remata! Que rápido pasou este curso! E que mellor maneira de rematar que coa excursión de fin de curso? O día 17 de Xuño os nosos profes leváronnos de excursión ao camping Paisaxe II, en San Vicente do Grove. Levábamos moito tempo agardando por esta excursión, a primeira tan longa que facíamos todos xuntos no cole! Foi un día marabilloso, moi divertido, con moita calor e moita auga, e pasámolo incríble! Un día inesquecible! Cando chegamos, logo dunha longa viaxe en autobús, os nosos monitores, Richi e Iria, que eran súper divertidos, explicáronnos o que íamos facer, e tamén as normas para pasar o día todos xuntos. Primeiro, baixamos á praia, onde xogamos a construir muros por equipos, a imitar animais e a carreiras de relevos. ata rematar, por fin, bañándonos. Que ben o pasamos! Nadamos, tirámonos auga, saltamos, xogamos cos monitores e cos profes... e ata enterramos ao profe Pablo!  Despois subimos a comer ao camping, baixo a sombra das árbores, xa que ía moita calor! D...
Ler máis

Refráns

Imaxe
 Nesta primeira semana de volta tralo Nadal aprendemos o que son os refráns, e coa axuda das nosas familias fixemos unha pequena escolma destes, e quixemos recoller toda esa sabedoría popular nun libro que temos na nosa clase, e ilustrar cada refrán con aquilo que nos suxería. Os refráns escollidos foron os seguintes: "Galiña vella fai bo caldo" "Polo pan, baila o can" "Outra vaca no millo!" "Se chove, que chova!" "Amiguiños si, pero a vaquiña polo que vale." "A todo porco lle chega o seu San Martiño." "Nunca choveu que non escampara." "O que busca, atopa." "O que non levan os ladróns, aparece nos rincóns." "En boca pechada non entran moscas." "Fai máis o que quere que o que pode." "Quen a boa árbore arrímase, boa sombra lle garda." "Ata o corenta de maio non quites o saio." "En abril, augas mil." "Vai o mello morrendo e vai aprendendo." ...
Ler máis