UN NADAL ABSTRACTO (1ºA)

 No cole este ano presentáronnos a unha pintora pontevedresa, chamada Nuria Argibay, que fai o que se chama "arte abstracta". Esta palabra parece ser que quere dicir algo como que as cousas que se debuxan ou se constrúen non teñen que ter a forma da cousa real que representan, se non que xogando coas cores, as formas ou as texturas o que vemos ten que facer que esa idea apareza na nosa cabeza. "Evocar", lle chaman, outra palabra nova. A cousa é que esta pintora ensinounos unha técnica que consistía no seguinte: nun anaco de tea botamos pintura de diferentes cores, como facendo manchas, e a doblamos facendo unha bola para deixala secar. Ao abrilas, as pinturas mesturáronse e quedaron manchas con distintas formas, e ao observalas tiñamos que tratar de atopar nelas algunha realidade, a poder ser de Nadal. Nalgúns casos pódese engadir algún pequeno detalle cun perfilador para acabar de darlle forma. Non en todos os casos fomos quen de ver algo de Nadal, e nalgúns houbo que estrugar ben os miolos para atopar unha imaxe, pero puxemos a imaxinación a xogar a tope. Estes son os resultados que obtivemos:

 Aquí vimos un boneco de neve, e engadimos algún detalle

 Isto é unha aldea de Nadal, cunha fonte no medio e as casiñas e demais ao redor.

 Estes son dous anxos.

 Aquí vimos unha zorra (trineo) cun pequeno home de Nadal enriba

 Aquí, logo de pensar bastante, vimos dúas persoas bicándose, na parte superior teñen as caras; e na parte central están a entregarse os corazóns, en sinal de amor.

 Aquí vimos dúas cereixas, ao máis puro estilo Pachá.

 Aquí vimos outro boneco de neve, desta vez coa parte que quedou sen cor.

 Aquí aparecéusenos a figura dun anxo.

 Nesta vimos un Rei Mago, coa súa coroa amarela e a capa vermella.

 Aquí claramente vimos un pastel, ao cal lle puxemos unha copa por debaixo para servilo comodamente.

 Este foi dos que máis nos custou, á vez que un dos que máis debate xerou. Vimos o incendio dun bosque, un atardecer, un volcán, algunha estrela...

 Neste caso vimos un rinoceronte moi de Nadal, co seu corno amarelo e azul na parte superior dereita.

 Aquí temos un reno.

 E aquí outro reno, coa cabeza azul e os cornos amarelos.

 Claramente atopamos aquí unha árbore de Nadal, que decoramos cunha estrela na copa.

 Unha bolboreta, claramente autóctona.

 Esta foi outra das máis debatidas. Entre moitas formas pequenas e diferentes, no todo acabamos por ver un Rei Mago (vermello) a lombos do seu camelo, que ten a cabeza na esquerda, tamén vermella.

 Isto é un regalo, coa súa lazada e as luces da árbore de Nadal de fondo.

 Aquí vimos un oso, cos ollos e o nariz azuis e sacando a lingua.

 Aquí vimos unha árbore de Nadal con un regalo ao pé.

 Aquí, aínda que non ten que ver co Nadal, fumos moi pontevedreses e vimos, na parte esquerda de abaixo, ao Loro Ravachol, co corpo vermello e a cola azul.

 Nesta vimos moitas cousas, desde un escarabello ata unha nena cos cabelos vermellos. Ao final, quedamos con outro boneco de neve.

 Aquí vemos un camelo, coas xibas en azul e a cabeza en vermello.