Aprendemos no Vilaverde

Para conmemorar o 25 de novembro "Día da non violencia de xénero" descubrimos unha historia moi especial da man da protagonista do conto SON SÓ MIÑA . Tivemos a sorte de ter o conto en galego e de poder ir vendo a evolución dos personaxes. Despois da lectura, reflexionamos sobre a mensaxe e pensamos naquelas cousas que non estaban ben, ideas machistas e estereotipadas cara ás mulleres. Coas frases que temos que rexeitar, cada equipo fcreou unha  RED FLAG . Tamén cantamos e signamos con todo o colexio esta canción: Ademais, as familias colaboraron neste día tan importante coa decoración da entrada  e un concurso de carteis para o 25N! 💜💜

 Hoxe, 14 de novembro, é o día mundial da diabetes . Para conmemoralo, xuntámonos as clases de 2º para repasar algunhas cousiñas: en que consiste a diabetes tipo 1, alimentos que é máis recomendable comer, coidados que temos que seguir cando se fai deporte, cando estamos na clase...  Érik animouse a contar tamén algunha anécdota persoal. Falamos da importancia de axudar e avisar aos mestres en certas situacións. Logo, cada equipo recibiu unha persoa deportista, cantante... con diabetes tipo 1. Leron sobre ela e saíron explicalo aos compañeiros e compañeiras. Comprobaron que todos e todas loitaron polos seus soños, que a diabetes foi un reto máis a superar e, con axuda dos médicos e das persoas do redor, é moito máis doado convivir con ela. 💙💙 A última hora, o noso compañeiro Érik repartiu unhas  pegatinas  que nos deixou Anedia por medio da teacher Maria Jesús.  💙💙

Este xoves visitamos o mercado de Pontevedra , onde descubrimos unha chea de postos con alimentos frescos da contorna. A nosa monitora Uxía  explicounos unha chea de cousas dos diferentes postos: 🐔Na carnicería vimos os tipos de carne, falamos das partes do porco e do uso do unto.  Tamén da salgadura como medio para conservar os alimentos. 🐟Na zona do peixe os tendeiros e as tendeiras contáronnos moita información, ata nos deron un susto cun congrio! Aprendemos a diferenciar as centolas macho e as femias, o peixe branco e o azul, recoñecer pola cor das agallas se un peixe é fresco ou non, a diferencia entre berberechos e ameixas, observamos peixes como o peixe espada, o escacho, o escarapote ou a  cabra... había un montón! 🍎Na froitería vimos tipos de froitas e na floristería algunhas flores. Logo, visitamos o obradoiro do Ganapán , onde fixemos un concurso de preguntas. Xa por último, tivemos un tempiño para a merenda e tempo xuntos con vistas á ría.

O alumnado de 2º comezamos o curso co tema dos animais . Para despertar a curiosidade, están investigando sobre un animaliño  que lles interese. Grazas a todas as familias por colaborar cos traballos 💚   Imos paseniño avanzando no tema, pero sen pausa. Aproveitamos a traballar lecturas e escrituras con animais de protagonistas (cabaliños de mar, cans, morcegos, polbos...)  Escribimos frases e pequenos ditados con esta temática... Mesmo estamos a aprender a debuxar algúns: focas, crocodilos... Ademais os libriños de lectura nos axudan a continuar inmersos neste tema:  O hotel de animais co que coñecimos ás xoaniñas Pepiña e Olivia, e Sherlock Tópez! En plástica aproveitamos a crear as nosas xoaniñas como as do conto,  cabaliños de mar  e tamén  morcegos para Samaín! Aquí vos deixamos algunhas ligazóns que vos poden servir para repasar o dado: As funcións vitais  Vertebrado ou invertebrado?  Os animais vertebrados  Vertebrados e inv...