Aprendemos no Vilaverde

E por fin o Nadal que é o mes final esta panxoliña o ano acabar na fin de decembro volve comezar! Este é o retrouso da panxoliña que estivemos ensaiando estas semanas as clases de 2º. Hoxe fomos cantarlla a 1º, eles e elas tamén nos cantaron a súa! Coa panxoliña elaboramos de forma conxunta, as dúas clases de A e B, esta nota musical na que aparece: o título , o retrouso , o nome do grupo musical e uns debuxiños que engadimos. Ao rematala fomos colocala no recuncho do galego. Ademais, cada nena e neno creou a súa nota musical propia! Mirade algunhas fotiños: Aproveitamos estes días de decembro para ler e escribir un pouquiño sobre a maxia do Nadal. Limos sobre os trubincos , uns elfos moi trastes da cultura galega. Nos cadernos describimos un e logo fixémolos en papel , mirade: Escribimos sobre un AGASALLO FANTÁSTICO , inventando cal podería ser un bo agasallo, saíron ideas moi divertidas! Tamén rematamos as portadas do trimestre con aves de inverno,  decoramos os corredore s e...

Xa están listas e entregadas as postais de Nadal! 🎄Este curso a pintora homenaxeada foi Lúa Gándara . Limos e comentamos a súa biografía e algunhas das súas obras, todas cheas de cores e símbolos. A partir delas creamos con cartolina, témperas e rotuladores máxicos as nosas postais, seguindo o estilo da artista. Tamén lle puxemos título aos nosos deseños: 🎄Logo, vimos que partes teñen as postais:  saúdo, mensaxe, despedida e sinatura. Escribimos un borrador no caderno, o pasamos a limpor e o decoramos: 🎄Despois, preparamos os sobres coa direción das familias. Aprendemos que poñer no remite e no remitente, tamén onde se coloca o selo. 🎄A parte final foi ir entregar a postal a Correos para que chege ás familias. QUE NERVIOS? CANDO CHEGARÁN? Seguro que lle gustan moito!

 Fai unhas semanas visitamos unha exposición chamada COMEDY WILDLIFE. Nela desfrutamos con f otografías moi divertidas de diferentes animais,  á vez reflexionamos sobre a importancia de coidar o medio natural ,  de usar enerxías renovable s e a reciclaxe. Logo da exposición, fixemos un pequeno obradoiro onde creamos xabóns naturais sen envases de plástico, co fin de contaminar moito menos. Pasámolo moi ben e aprendemos moito!